عارف علوی اور عمران خان کی ملاقات پر ایوان صدر سرکاری ہینڈ آؤٹ جاری کرے گا، فواد چوہدری

زمان پارک لاہور میں میڈیا سے گفتگو کرتے ہوئے فواد چوہدری نے کہا کہ  صدر مملکت عارف علوی سے عمران خان کی 45 منٹ تک ملاقات ہوئی۔

انہوں نے بتایا کہ عمران خان اور عارف علوی کی ملاقات پر تفصیلات جاری کی جائیں گی۔

رہنما تحریک انصاف کا کہنا تھا کہ سب کچھ آئین اور قانون کے مطابق ہوگا۔

پی ٹی آئی رہنما نے کہا کہ صدر اور عمران خان  کی ملاقات، آرمی چیف کی تقرری پر آئینی، سیاسی، قانونی امور پر بات ہوئی، صدر علوی کی عمران خان  سے ہونے والی ملاقات سے متعلق مؤقف ہینڈ آؤٹ میں ہوگا۔